Apple ID – гэта ключ да ўсіх сэрвісаў Apple: iCloud, App Store, iMessage, FaceTime і нават Apple Pay.
Часцяком, старыя прылады, якія вы прадалі ці аддалі, могуць заставацца прывязанымі да вашага Apple ID. Або напрыклад, вы лагініліся на чужым iPhone або Mac і забыліся выйсці. Калі хтосьці атрымлівае доступ да акаўнта, ён можа праглядаць дадзеныя, чытаць паведамленні і нават марнаваць грошы з вашай карты. Выдаленне прылады спыняе яго доступ да iCloud, App Store і іншых сэрвісаў.
Таму рэгулярная праверка спісу падлучаных прылад – гэта ключ да бяспекі!
Да вашага Apple ID можа быць падлучана максімум 10 прылад, з якіх да 5 могуць быць кампутарамі (Mac ці PC).
Як праверыць, якія прылады прывязаны да Apple ID?
- Адкрыйце «Налады» на iPhone або iPad.
- Перайдзіце ў раздзел «Акаўнт Apple», націснуўшы на сваё імя.
- Пракруціце ўніз да спісу прылад, якія ўвайшлі ў ваш Apple ID.
- На Mac: перайдзіце ў меню Apple → Сістэмныя налады → Націсніце сваё імя і пракруціце ўніз.
Як выдаліць лішнія прылады?
Калі ў спісе ёсць незнаёмыя ці прылады, якія вы больш не выкарыстоўваеце:
- Абярыце патрэбную прыладу, а затым націсніце «Выдаліць з акаўнта».
- Калі на выдаленай прыладзе застаўся ваш Apple ID і новы карыстач будзе ведаць ваш пароль, то магчыма паўторная прывязка. Таму калі ёсць падазрэнні на ўзлом – тэрмінова змяніце пароль!
Важна разумець: калі прыладу скралі ці вы яе страцілі, выдаленне са спісу не дапаможа – трэба перайсці на icloud.com/find, у раздзеле «Усе прылады» абраць сваю прыладу, адзначыць як зніклую і прытрымлівацца інструкцый на экране.
Праверце свой Apple ID і пераканайцеся, што ўсе прылады ў спісе – толькі вашыя!