Фаервол (брандмаўэр) — гэта ўбудаваны міжсеткавы экран, які абараняе камп’ютар ад несанкцыянаваных уваходных падлучэнняў і сеткавых нападаў. Ён кантралюе, якія прыкладанні могуць прымаць злучэнні з сеткі, і блакуе падазроную ці непажаданую актыўнасць, зніжаючы рызыку выдаленага доступу да сістэмы.
Важна разумець, што фаервол у першую чаргу адказвае за сеткавую абарону, а не за пошук вірусаў, таму яго не трэба блытаць з антывірусам. Ён асабліва важны пры выкарыстанні грамадскіх Wi-Fi сетак і пры працы з наўтбукам па-за домам.
Фаервол у macOS па змаўчанні можа быць выключаны, асабліва на новых ці нядаўна настроеных сістэмах. Таму яго стан трэба праверыць уручную.
Як праверыць і ўключыць фаервол у macOS
- Адкрыйце «Сістэмныя наладкі» (System Settings).
- Перайдзіце ў раздзел «Сетка» → «Фаервол» (або «Канфідэнцыяльнасць і бяспека» → «Фаервол»).
- Калі фаервол выключаны, націсніце “Уключыць фаервол”.
- Пры неабходнасці адкрыйце «Параметры фаервола» і пераканайцеся, што ўключана опцыя блакавання ўсіх уваходных падлучэнняў, акрамя дазволеных.
Пры ўключаным фаерволе, macOS можа запытваць дазвол пры спробе прыкладання прыняць уваходнае сеткавае злучэнне.