Advanced Protection — гэта рэжым максімальнай бяспекі Android-прылады, які аўтаматычна актывуе набор ахоўных функцый сістэмы і акаўнта Google. Ён зніжае рызыку ўзлому, фішынгу, усталёўкі шкодных дадаткаў і ўцечкі дадзеных. Па змаўчанні ён адключаны, бо можа можа даставіць некаторыя нязручнасці пры выкарыстанні прылады.
Пасля ўключэння актывуюцца ці ўзмацняюцца:
- абарона ад крадзяжу прылады
- блакаванне небяспечных сетак (улучаючы 2G)
- прымусовае HTTPS-злучэнне
- абарона ад махлярства ў званках і SMS
- Google Play Protect (праверка дадаткаў)
- Safe Browsing (абарона ад шкодных сайтаў)
- аўтаматычная перазагрузка пасля 72 гадзін блакавання
- забарона ўсталёўкі дадаткаў з невядомых крыніц
- забарона аўтападключэння да небяспечнага Wi-Fi
- будучыя функцыі часопісаў бяспекі і абароны USB
Рэжым можа змяніць звыклае выкарыстанне:
- няможна ўсталёўваць APK па-за Google Play
- магчымы беспадстаўныя блакаванні званкоў ці сайтаў
- частка функцый браўзара можа быць абмежавана
Каб уключыць:
Патрабуецца Android 16 ці навей. Адкрыйце на тэлефоне:
- Налады → Бяспека і прыватнасць → Advanced Protection → Уключыць Device Protection
Пры патрэбе перазагрузіце прыладу.
Абарона акаўнта Google
Людзям, схільным да большай рызыцы (журналістам, актывістам, праваабаронцам і тд), варта далучыцца да праграмы Advanced Protection Program з акаўнтам Google для ўзмацнення шматфактарнай аўтэнтыфікацыі і аўтаматычнага прымянення налад бяспекі на ўсіх прыладах.