Калі ваш Google акаўнт быў узламаны, важна дзейнічаць хутка, каб мінімізаваць шкоду і аднавіць кантроль над акаўнтам.
Калі ў вас захоўны доступ да акаўнта:
- Увайдзіце ў акаўнт і змяніце пароль: Кіраванне акаўнтам → Бяспека → Пароль.
Важна: калі вы выкарыстоўвалі такі ж пароль і на іншых сайтах, змяніце іх таксама.
Звярніце ўвагу: пасля змены пароля вы застаняцеся ў акаўнце на прыладах, з дапамогай якіх вы ўваходзіце ў акаўнт Google, а таксама на прыладах, дзе вы звязалі акаўнт з пабочным дадаткам. Каб выйсці там з акаўнта, трэба зачыніць дадатку доступ (https://myaccount.google.com/permissions).
- Уключыце двухфактарную аўтэнтыфікацыю, калі яна не была наладжана: Кіраванне акаўнтам → Бяспека → Двухэтапная аўтэнтыфікацыя.
- Прагледзьце ўсе прылады, падлучаныя ў ваш акаўнт і выдаліце невядомыя: Кіраванне акаўнтам → Бяспека → Вашы прылады → Кіраванне ўсімі прыладамі.
- Праверце ўсе налады (а таксама дазволы дадаткаў і сэрвісаў) і выпраўце незнаёмыя змены, калі яны ёсць.
Нагадваем: паролі, захаваныя ў акаўнце Google, могуць быць скампраметаваны, таму мы рэкамендуем іх памяняць.
У выпадку, калі ў вас няма доступу да акаўнта, перайдзіце на старонку аднаўлення Google (http://accounts.google.com/signin/recovery і ідзіце інструкцыям для атрымання доступу.
Што яшчэ варта зрабіць
- Не лішнім будзе прайсціся па ўсіх наладах бяспекі акаўнта Gmail (Security Checkup (https://myaccount.google.com/intro/security-checkup)): Кіраванне акаўнтам → Бяспека → Надзейная абарона акаўнта → Пачаць.
- Упэўніцеся, што вашыя дадзеныя ў Google Drive, Gmail, Google Photos і іншых сэрвісах не былі зменены ці выдалены. Праверце кошык і аднавіце выдаленыя дадзеныя, калі гэта магчыма.
- Калі вы падазраяце, што злачынцы маглі адправіць шкодныя лісты ці паведамленні ад вашага імя, паведаміце свае кантакты, каб яны былі асцярожныя.